"Araz-Naxçıvan" Çempionlar Liqasında növbəti oyununa çıxır

Bu gün Azərbaycan təmsilçisi "Araz-Naxçıvan" futzal üzrə UEFA Çempionlar Liqasının ilkin mərhələsində növbəti matçına çıxacaq.

Pressing.az xəbər verir ki, B qrupunda yer alan komanda Estoniya çempionu “Sillamae Silla” ilə üz-üzə gələcək. İsveçin Uddevalla şəhərində keçiriləcək oyun Bakı vaxtı ilə saat 18:00-da başlayacaq.

Qeyd edək ki, "Araz-Naxçıvan" ilk oyunda Şimali İrlandiyanın “Sparta Belfast” klubuna 7:1 hesabı ilə qalib gəlib. Vitali Borisovun baş məşqçisi olduğu komanda avqustun 24-də İsveçin “Uddevalla” klubu ilə qarşılaşacaq.

Əlavə edək ki, yalnız qrup liderləri əsas mərhələyə vəsiqə qazanacaq.

22 avqust

18:00. "Araz-Naxçıvan" - “Sillamae Silla”