Albaniyanın paytaxtı Tirana şəhərində 16 yaşlı oğlanlar arasında keçirilən basketbol üzrə Avropa çempionatı "C" divizionunda millimizin sonuncu qrup oyunu keçirilib.

Pressing.az xəbər verir ki, U-16-nın budəfəki rəqibi Malta yığması olub.

Oyunun əvvələrindən üstünlüyü ələ keçən Azərbaycan millisi Malta yığması üzərində 56-50 hesablı qələbə qazanıb. Bu qələbədən sonra yığmamız qrupda ikinci pillənin sahibi olaraq, adını yarımfinala yazdırıb. Oyunun ən məhsuldar basketbolçusu millimizin üzvü İsmayıl Abdullayev (19 xal, 8 ribaund) seçilib.

Qeyd edək ki, yarımfinal görüşləri 13 iyul tarixində keçiriləcək

Xatırladaq ki, bu gün Azərbaycanın 16 yaşadək qızlardan ibarət basketbol millisi də Avropa çempionatınım yarımfinalına yüksəlib.