Şuşada heyranlıq, Moskvada sığorta: Aleksey Naumovun səmimiyyət sınağı
Şuşada keçirilən IV Qlobal Media Forumunda iştirak edən rusiyalı jurnalist və siyasi analitik Aleksey Naumov sosial şəbəkələr üzərindən foruma dair müzakirələr açıb.
Qeyd edək ki, əsasən Rusiya-Amerika münasibətləri üzrə ixtiaslaşan Naumov Şuşada Azərbaycan prezidenti İlham Əliyevin fikirlərini təqdir edən post paylaşıb.
O, deyib ki, Prezident İlham Əliyevə Bakı-Moskva münasibətlərinin hazırkı vəziyyəti barədə sual ünvanlayıb və aldığı cavabdan çox razı qalıb. Rusiya-Azərbaycan münasibətlərində böhranın bitməsinə ümid edən rusiyalı jurnalist İlham Əliyevdən açıq və mükəmməl cavab almasından məmnunluğunu gizlətməyib. Hətta cavabı ətraflı şərh edərək iki ölkə arasında 3+3 formatında münasibətlərə və əməkdaşlığa dair tezislərə cəhd edib.
Lakin Naumovun “heyranlığ”ı onun həmkarlarının və sosial şəbəkə istifadəçisi olan rusların eyhamları və atmacalarına qədər olub: Şuşa forumunun əhəmiyyətinə dair izləyicilərin iynəli suallarına cavabında o, tədbirin əslində onun üçün, işlədiyi yer üçün və ümumiyyətlə, Rusiya seqmenti üçün əhəmiyyətli olmadığını dərhal vurğulayaraq özünü “sığorta”lamağa çalışıb. Bildirib ki, o, Şuşadan heç bir reportaj hazırlamayıb, bu forumla bağlı rusiyalı ekspertlərin fikrini işıqlandırmayıb: “Şuşa forumu federal efir üçün o qədər də vacib deyil. Yalnız prezidentlə sessiya maraqlı idi. Mən forumdan çox kiçik görüntülər paylaşmışam”.
Şuşada heyranlıq, Moskvada sığorta. Aleksey Naumov, deyəsən, səmimiyyət sınağından keçmədi. Şuşada özünü tərəfdaş kimi göstərən analitik, sosial şəbəkədə çox rahat şəkildə kənar müşahidəçiyə döndü. Bu əslində, qınaq qorxusu yox, missiyasının uğursuzluğu və manipulyativ planının baş tutmamasından yaranan acıq idi.
Nə demək olar.
Yalnız öz məqsədi üçün çalışan adamların səmimiyyətsizliyi bir addım aralı olan kimi aşkara çıxır. Əslində Amerika mövzusunda analiz aparan Naumovun Bakıdan hansı mesajı almaq istədiyi də bəlli idi. Sadəcə, prezidentin mükəmməl cavabı ilə planları alt-üst olunca, forum onun üçün əvvəlki əhəmiyyətini itirdi, “məmnunluq maskası” düşdü. Ölkəsinə “əli dolu” dönə bilmədi.
5-ci forumda görüşənədək, Aleksey.
Zülfiyyə Mustafayeva
"Hüquqi İnkişaf və Demokratiya" Vətəndaş Cəmiyyətinin İnkişafına Yardım İctimai Birliyinin sədri
Qeyd edək ki, əsasən Rusiya-Amerika münasibətləri üzrə ixtiaslaşan Naumov Şuşada Azərbaycan prezidenti İlham Əliyevin fikirlərini təqdir edən post paylaşıb.
O, deyib ki, Prezident İlham Əliyevə Bakı-Moskva münasibətlərinin hazırkı vəziyyəti barədə sual ünvanlayıb və aldığı cavabdan çox razı qalıb. Rusiya-Azərbaycan münasibətlərində böhranın bitməsinə ümid edən rusiyalı jurnalist İlham Əliyevdən açıq və mükəmməl cavab almasından məmnunluğunu gizlətməyib. Hətta cavabı ətraflı şərh edərək iki ölkə arasında 3+3 formatında münasibətlərə və əməkdaşlığa dair tezislərə cəhd edib.
Lakin Naumovun “heyranlığ”ı onun həmkarlarının və sosial şəbəkə istifadəçisi olan rusların eyhamları və atmacalarına qədər olub: Şuşa forumunun əhəmiyyətinə dair izləyicilərin iynəli suallarına cavabında o, tədbirin əslində onun üçün, işlədiyi yer üçün və ümumiyyətlə, Rusiya seqmenti üçün əhəmiyyətli olmadığını dərhal vurğulayaraq özünü “sığorta”lamağa çalışıb. Bildirib ki, o, Şuşadan heç bir reportaj hazırlamayıb, bu forumla bağlı rusiyalı ekspertlərin fikrini işıqlandırmayıb: “Şuşa forumu federal efir üçün o qədər də vacib deyil. Yalnız prezidentlə sessiya maraqlı idi. Mən forumdan çox kiçik görüntülər paylaşmışam”.
Şuşada heyranlıq, Moskvada sığorta. Aleksey Naumov, deyəsən, səmimiyyət sınağından keçmədi. Şuşada özünü tərəfdaş kimi göstərən analitik, sosial şəbəkədə çox rahat şəkildə kənar müşahidəçiyə döndü. Bu əslində, qınaq qorxusu yox, missiyasının uğursuzluğu və manipulyativ planının baş tutmamasından yaranan acıq idi.
Nə demək olar.
Yalnız öz məqsədi üçün çalışan adamların səmimiyyətsizliyi bir addım aralı olan kimi aşkara çıxır. Əslində Amerika mövzusunda analiz aparan Naumovun Bakıdan hansı mesajı almaq istədiyi də bəlli idi. Sadəcə, prezidentin mükəmməl cavabı ilə planları alt-üst olunca, forum onun üçün əvvəlki əhəmiyyətini itirdi, “məmnunluq maskası” düşdü. Ölkəsinə “əli dolu” dönə bilmədi.
5-ci forumda görüşənədək, Aleksey.
Zülfiyyə Mustafayeva
"Hüquqi İnkişaf və Demokratiya" Vətəndaş Cəmiyyətinin İnkişafına Yardım İctimai Birliyinin sədri
