İlham Zəkiyev Avropa çempionatının finalına vəsiqə qazandı

Gürcüstanın paytaxtı Tbilisi şəhərində paracüdo üzrə Avropa çempionatı davam edir.

Pressing.az xəbər verir ki, Azərbaycan təmsilçisi İlham Zəkiyev (J1, +95 kq) turnirdə finala adlamağı bacarıb.

O, əvvəlcə 1/4 finalda moldovalı Oleq Kretula qarşılaşıb və qələbə qazanıb.

İ.Zəkiyev 1/2 finalda türkiyəli Gökhan Biceri ipponla üstələyib. Beləliklə, Azərbaycan paracüdoçusu finala vəsiə qazanıb.

Qeyd edək ki, İ.Zəkiyev Yay Paralimpiya Oyunlarının ikiqat qat qalibi, üçqat bürünc mükafatçısı, ikiqat dünya çempionu, mundialların gümüş və ikiqat bürünc mükafatçısı, on üçqat Avropa çempionudur.