Azərbaycan millisi dünya çempionatında növbəti oyununa çıxır

Bakıda minifutbol üzrə dünya çempionatı davam edir.

Pressing.az xəbər verir ki, bu gün turnirdə qrup mərhələsinin 3-cü turu start götürəcək.

A qrupunda mübarizə aparan Azərbaycan millisi Mavritaniyanıqəbul edəcək. Görüş saat 19:30-da başlayacaq.

Bu qrupun digər oyununda Bəhreyn Sloveniya ilə qarşılaşacaq.

Hazırda bu qrupda Azərbaycan 4 xalla liderdir. Eyni xalı olan Mavritaniya 2-cidir. Bəhreyn və Sloveniya isə 1 xalla müvafiq olaraq 3 və 4-cü yerdədirlər.

Millimiz daha əvvəl Bəhreynlə heç-heçə edib, Sloveniyaya isə qalib gəlib - 1:1, 4:0.

Dünya çempionatı, qrup mərhələsi

3-cü tur

25 may

A qrupu

14:00. Bəhreyn - Sloveniya

19:30. Azərbaycan - Mavritaniya

B qrupu

12:45. Özbəkistan - Çad

22:00. Rumıniya - Fransa

C qrupu

16:30. Macarıstan - Ukrayna

18:15. Türkiyə - İngiltərə

D qrupu

15:15. Hindistan - Portuqaliya

20:45. Slovakiya - Bolqarıstan

Qeyd edək ki, Milli Gimnastika Arenasında təşkil olunan dünya çempionatı iyunun 1-də başa çatacaq.