Azərbaycanın sərbəst güləşçiləri Macarıstanın paytaxtı Budapeştdə keçirilən reytinq turnirinin ilk günündə iki medal qazanıblar.

Pressing.az xəbər verir ki, Maqomedxan Maqomedov (97 kiloqram) qazaxıstanlı Alışer Yerqalı ilə final qarşılaşmasında xalça üzərinə çıxmayıb. Bununla da o, gümüş medalla kifayətlənib.

Azərbaycanın digər təmsilçisi Hacı Əliyev (65 kiloqram) isə üçüncü yer uğrunda görüşdə meksikalı Austin Qomesə qalib gəlib - 12:3 .

Qeyd edək ki, Azərbaycan millisi iyunun 9-dək davam edəcək reytinq turnirində 14 güləşçi ilə təmsil olunur.