Azərbaycan cüdoçuları daha bir qızıl və bir gümüş medal qazandılar

Polşanın Pila şəhərində keçirilən 23 yaşa qədər cüdoçular arasında Avropa çempionatında qadınlar arasında Fidan Əlizadə və Aydan Vəliyeva final görüşlərinə çıxıblar.

Pressing.az xəbər verir ki, Fidan Əlizadə 57 kq çəki dərəcəsində gürcüstanlı rəqibi Nino Loladzeni məğlub edərək qızıl medal qazanıb.

Aydan Vəliyeva isə 52 kq çəki dərəcəsində gümüş medalı əldə edib.

Qeyd edək ki, bu gün Azərbaycan cüdoçusu Hüseyn Allahyarov (73 kq) da qızıl medal qazanıb.