Adil Şükürov: "Qış fasiləsində böyük dəyişikliklər mümkün deyil" – AÇIQLAMA

Azərbaycan Premyer Liqasında yaranan qış fasiləsindən faydalanan klublar hazırlıqlara start veriblər.

Bəzi elita təmsilçiləri ölkə hüdudlarından kənara üz tutubsa, digərləri də təlim-məşq toplanışlarını Azərbaycanda keçirlər.

"Kəpəz" də ölkə daxilində hazırlaşır. "Sarı-göylər"in baş məşqçisi Adil Şükürov Pressing.az-a açıqlamasında Gəncə təmsilçisinin hazırlıqları haqda danışıb:

"Məşqlərə ayın 4-dən başlamışıq. Komandada əhval-ruhiyyə yüksəkdir. Hamı istəklə məşq edir. İnşallah, bu cür istəyi oyunlara da yansıtmağa çalışacağıq. Qış fasiləsində böyük dəyişikliklər mümkün deyil və burada təbii ki, maliyyə dəstəyi də önəmlidir. Amma biz komanda olaraq bütün vasitələrdən maksimum istifadə edərək, irəli getməyə çalışacağıq.

Ümumən, komanda üzvlərinin hamısı toplanışa qoşulub və tam gücləri ilə verilən tapşırıqları yerinə yetirirlər. Fikirlərimizi futbolçulara daha da asan bildirmək və oyun üslubun, keyfiyyətin daha da yaxşılaşdırılmasına çalışırıq. 3 və 4-cü dövrələrdə daha çox xal toplayaraq, Premyer Liiqada qalmaq məsələsini qarantiləmək istəyirik".

Daşqın Əziz