"Ən böyük məqsədim olimpiadadan "qızıl"la qayıtmaqdır" – MÜSAHİBƏ
Son Avropa oyunlarının boks üzrə bürünc mükafatçısı Murad Allahverdiyevin Pressing.az-a müsahibəsini təqdim edirik:
- 2024-cü ildə əsas hədəflər nələrdir?
- Yeni təqvim ilində əsas hədəfimiz Parisdə keçiriləcək Yay Olimpiya Oyunlarında layiqincə iştirak etməkdir. Ondan öncə isə bizi Avropa çempionatında iştirak gözləyir. Hər iki mötəbər yarışda uğurlu nəticələrə imza atmaq istəyirik.
- Bu il nəticə qazanmaq üçün nələr lazım olacaq?
- Birinci növbədə ciddi, disiplinli şəkildə məşqləri davam etdirməliyik. Hazırlıqları qaydasına salmaq lazımdır. Təlim-məşq toplanışları, fiziki hazırlıqlar məşqçilərimiz tərəfindən planlı şəkildə qurulub. Bildiyiniz kimi, olimpiadaya iki lisenziyamız var - mən və Məhəmməd Abdullayev. İnşallah, daha 5 lisenziya qazanacağımıza ümid edirik. Beş idmançımız mart ayında lisenziya uğrunda mübarizə aparacaq. Onlardan da kim buna nail olsa, bizlə birgə Azərbaycanı Olimpiya Oyunlarında təmsil etmək haqqına yiyələnəcək.
- Yeni il tətilində də məşqləri davam etdirirsizmi?
- Bəli, məşqlərimizi davam etdiririk. Düzdür, təlim-məşq toplanışlarında bayrama görə 5 günlük fasilə yaranıb. Lakin buna baxmayaraq, özümüz hazırlıqları davam etdiririk.
- Ötən il sizin üçün hansı hansı uğurlarla yadda qaldı?
- 2023-cü il mənim üçün birinci növbədə Avropa Oyunlarında bürünc medal qazanaraq, lisenziyaya sahib olmağımla yadda qaldı. Onu da qeyd edim ki, məhz erməni rəqibim üzərində qələbə qazanaraq, medalçılar arasına düşdüm və Azərbaycanı olimpiadada təmsil etmək hüququna yiyələndim. Əgər erməni idmançıya məğlub olsaydım, həm olimpiyadaya gedə bilməyəcəkdim, həm də orada Ermənistanın bayrağı dalğalanacaqdı. Bundan əlavə, U-22 Avropa çempionatında bürünc medal qazandım. Çalışacağam ki, "bürünc"ü "qızıl"a çevirim. Ən böyük məqsədim Yay Olimpiya Oyunlarından Azərbaycana qızıl medalla qayıtmaqdır.
Pressing.az
- 2024-cü ildə əsas hədəflər nələrdir?
- Yeni təqvim ilində əsas hədəfimiz Parisdə keçiriləcək Yay Olimpiya Oyunlarında layiqincə iştirak etməkdir. Ondan öncə isə bizi Avropa çempionatında iştirak gözləyir. Hər iki mötəbər yarışda uğurlu nəticələrə imza atmaq istəyirik.
- Bu il nəticə qazanmaq üçün nələr lazım olacaq?
- Birinci növbədə ciddi, disiplinli şəkildə məşqləri davam etdirməliyik. Hazırlıqları qaydasına salmaq lazımdır. Təlim-məşq toplanışları, fiziki hazırlıqlar məşqçilərimiz tərəfindən planlı şəkildə qurulub. Bildiyiniz kimi, olimpiadaya iki lisenziyamız var - mən və Məhəmməd Abdullayev. İnşallah, daha 5 lisenziya qazanacağımıza ümid edirik. Beş idmançımız mart ayında lisenziya uğrunda mübarizə aparacaq. Onlardan da kim buna nail olsa, bizlə birgə Azərbaycanı Olimpiya Oyunlarında təmsil etmək haqqına yiyələnəcək.
- Yeni il tətilində də məşqləri davam etdirirsizmi?
- Bəli, məşqlərimizi davam etdiririk. Düzdür, təlim-məşq toplanışlarında bayrama görə 5 günlük fasilə yaranıb. Lakin buna baxmayaraq, özümüz hazırlıqları davam etdiririk.
- Ötən il sizin üçün hansı hansı uğurlarla yadda qaldı?
- 2023-cü il mənim üçün birinci növbədə Avropa Oyunlarında bürünc medal qazanaraq, lisenziyaya sahib olmağımla yadda qaldı. Onu da qeyd edim ki, məhz erməni rəqibim üzərində qələbə qazanaraq, medalçılar arasına düşdüm və Azərbaycanı olimpiadada təmsil etmək hüququna yiyələndim. Əgər erməni idmançıya məğlub olsaydım, həm olimpiyadaya gedə bilməyəcəkdim, həm də orada Ermənistanın bayrağı dalğalanacaqdı. Bundan əlavə, U-22 Avropa çempionatında bürünc medal qazandım. Çalışacağam ki, "bürünc"ü "qızıl"a çevirim. Ən böyük məqsədim Yay Olimpiya Oyunlarından Azərbaycana qızıl medalla qayıtmaqdır.
Pressing.az
