Ölkəmizi Çelenc kubokunda təmsil edən kişilərdən ibarət "Murov" voleybol klubu noyabrın 8-də Avstriyanın "Holdinq Qraz" komandasıyla qarşılaşacaq.

1/16 final mərhələsinin hər iki görüşü Bakıda baş tutacaq. Matçla bağlı komandamızın blokçusu Elmin Alişanovla əlaqə saxladıq.

32 yaşlı voleybolçu qarşılaşma ilə bağlı Pressing.az-a bunları dedi:

"Hər iki görüşdə qalib gəlməliyik. Rəqib də yaxşı komandadır. Oyunumuzun "Zəfər Günü"nə düşməsi bu qarşılaşmanın ciddiliyini daha da artır. Buna görə də azarkeşlərimizi sevindirmək istəyirik".

O, 1/32 final mərhələsində Xorvatiyanın "Kitro Varazdin"ə klubuna qalib gəldikləri oyun barədə də fikir bildirdi:

"Bu matç bizim üçün rahat keçdi.Yaxşı oyun göstərdik və qalib gəldik. Rəqibimiz də güc baxımından bizdən bir pillə aşağı idi. Lakin avrokuboklarda iştirak edən heç bir rəqibə zəif baxmaq olmaz.

Tərcübəli blokçu bu mövsüm avrokuboklarda və ölkə çempionatındakı hədələri haqda da fikirlər söylədi:

"Ölkə çempionatındakı hədəfimiz titul qazanmaqdır. Bu mövsüm rəqiblər də yaxşıdır. Avrokuboklarda isə əlimizdən gələnin ən yaxşısını edəcəyik".

Pressing.az