"Neftçi" klubu növbəti dəfə azarkeşlərinə görə cərimələnib.

Pressing.az xəbər verir ki, bununla bağlı qərar AFFA İntizam Komitəsinin bugünkü iclasında qəbul olunub.

Belə ki, Premyer Liqanın 30-cu turunda keçirilən “Neftçi” – “Zirə” oyununda "ağ-qaralar"ın azarkeşləri tərəfindən qonaqların futbolçusu Stefan Akaya irqi mənsubiyyətinə görə təhqiramiz səslər çıxarıldığına görə “Neftçi” klubu 2000 manat məbləğində cəriməyə məruz qalıb.

Qeyd edək ki, hadisənin görüntüsünü Sport1.az saytı ictimailəşdirib.