"Qarabağ" "Tvente"ni məğlub etdi - YENİLƏNİB

Bu gün "Qarabağ" Konfrans Liqasının pley-off mərhələsində ilk oyununa çıxıb.

Pressing.az xəbər verir ki, Qurban Qurbanovun komandası "Tvente" ilə Niderlandda qarşılaşıb. "De Qrolş Veste" stadionunda keçirilən görüş Ağdam təmsilçisinin 1:0 hesablı qələbəsi ilə yekunlaşıb. Qolu 52-ci dəqiqədə Kadi vurub.

Komandalar arasında cavab oyunu avqustun 27-də Bakıda - Tofiq Bəhramov adına Respublika Stadionunda olacaq.

"Qarabağ" və "Tvente" komandaları bunadək 2009-cu ildə və 2014-cü Avropa Liqasının pley-off mərhələlərində üz-üzə gəliblər. İlk dəfə mərhələ keçən tərəf "Tvente" olub (3:1, 0:0). İkinci dəfə isə "Qarabağ uğur qazanıb. Bakıdakı ilk matç 0:0, Enşededəki cavab oyunu 1:1 hesabı ilə yekunlaşıb. Qurban Qurbanovun komandası o vaxtkı səfər qolu sayəsində tarixində ilk dəfə avrokubokların qrup mərhələsinə vəsiqə qazanıb.

UEFA Konfrans Liqası, pley-off mərhələsi, ilk oyun

20 avqust

22:00. "Tvente" (Niderland) - "Qarabağ" (Azərbaycan) - 0:1

Qol: Kadi Borges, 52

Baş hakim: Cuxin Caca (Albaniya)

"De Qrolş Veste", Enşede, Niderland