Bu gün UEFA Avropa Konfrans Liqasında III təsnifat mərhələsinin ilk oyunları keçirilir.
Pressing.az xəbər verir ki, Azərbaycan təmsilçiləri "Sabah" və "Neftçi" də doğma meydanlarında rəqiblərini sınağa çəkiblər.
Murad Musayevin baş məşqçi olduğu komanda saat 20:00-da "Bank Respublika Arena"da Serbiya "Partizan"ı ilə qarşılaşıb. Görüş təmsilçimizin 2:0 hesablı qələbəsi ilə yekunlaşıb.
"Neftçi" isə Türkiyənin "Beşiktaş" komandası ilə üz-üzə gəlib. "Ağ-qaralar" bu oyunda rəqibə 1:3 hesabıyla uduzub.
Bu mərhələnin cavab oyunları avqustun 17-də keçiriləcək.
UEFA Konfrans Liqası
III təsnifat mərhələsi, ilk oyunlar
10 avqust
20:00. "Sabah" (Azərbaycan) - "Partizan" (Serbiya) 2:0
Qollar: Boyan Letiç, 70, Aleksey İsayev, 74
"Bank Respublika Arena"
21:00. "Neftçi" (Azərbaycan) - "Beşiktaş" (Türkiyə) 1:3
Qollar: Vensan Abubakar, 14, Cekson Muleka, 22, Salih Uçan, 52, Kilan Lebon, 79
"Neftçi Arena"