“Barselona” klubu UEFA Çempionlar Liqasının yarımfinal mərhələsində “İnter”ə qarşı keçiriləcək cavab oyunu üçün heyətini açıqlayıb.

Pressing.az xəbər verir ki, kataloniyalıların polşalı hücumçusu Robert Levandovskinin adı qarşıdakı matç üçün iştirak ərizəsinə daxil edilib.

36 yaşlı futbolçu bud nahiyəsindən aldığı zədə səbəbilə ilk oyunu buraxmışdı. Qarşılaşma 3:3 hesabı ilə başa çatmışdı. Klubdan verilən məlumata görə, Levandovskinin bərpası gözləniləndən tez başa çatıb və o, “İnter”lə cavab matçında iştirak etməyə tam hazırdır.

Qeyd edək ki, tərəflər arasında cavab matçı sabah İtaliyada keçiriləcək.