"Milan" klubu futbolçusu Fode Ballo-Ture ilə yollarını ayırıb.

Pressing.az xəbər verir ki, 28 yaşlı seneqallı müdafiəçinin müqaviləsinə qarşılıqlı razılıq əsasında xitam verilib. O, 2024-ci ilin iyul ayından İtaliya klubunun əvəzedici komandasında çıxış edib və 3 oyuna çıxıb.

Qeyd edək ki, Fode Ballo-Ture ötən mövsümün sonunda "Fulhem"də icarədən qayıtmışdı. O, "Milan"a 2021-ci ildə "Monako"dan transfer olunub.