Türkiyə Prezidenti Rəcəb Tayyib Ərdoğan milli komandanın üzvü Merih Demiralın UEFA tərəfindən 2 oyunluq cəzalandırılmasına münasibət bildirib.
Pressing.az xəbər verir ki, o, jurnalistlərə açıqlamasında bunları deyib: "Kimsə almanların formalarında qartal var deyirmi? Kimsə də durub fransızların formasında xoruz var, niyə xoruzlanırsan deyirmi? Orada Merih həyəcanını bu şəkildə ifadə etdi".
Ərdoğan həmçinin deyib: "İnşallah, bütün məsələ şənbə günüdür (Türkiyənin 1/4 finalda Niderlandla oyunu nəzərdə tutulur - red.) Meydandan qalibiyyətlə ayrılaraq növbəti mərhələyə çıxaq. Fövqəladə bir durum olmasa, matça getmək qərarımızı vermişik".
Xatırladaq ki, Merihin oyunda "bozqurd" işarəsi göstərməsi UEFA-nın İntizam Komitəsi tərəfindən uyğunsuz davranış kimi qiymətləndirilib və o, 2 oyunluq cəzalandırılıb.