Futbol üzrə Avropa çempionatının qrup mərhələsinin 2-ci turunun İspaniya – İtaliya görüşü başa çatıb.

Pressing.az xəbər verir ki, Gelzenkirhen şəhərindəki “Feltins Arena”da gerçəkləşən oyunda “buğalar” minimal hesabla qalib gəliblər – 1:0.

İtaliya millisinin heyətində 55-ci dəqiqədə Rikkardo Kalafyori avtoqol müəllifi olub. İspaniya yığması “erkən final”dakı bu qələbə sayəsində B qrupundakı xallarının 6-ya çatdıraraq 1/8 final mərhələsinə vəsiqəni təmin edib.

Daha öncə Almaniya yığması bu uğura nail olmuşdu.

AÇ-2024
B qrupu
20 iyun

İspaniya – İtaliya 1:0
Qol: Kalafyori, 55-öz qapısına.
Baş hakim: Slavko Vinçiç (Sloveniya).
Gelzenkirhen, “Feltins Arena”.

Xal: İspaniya – 6. İtaliya – 3. Albaniya – 1. Xorvatiya – 1.