Bu gün Türkiyə Super Liqasında İstanbul derbisi keçiriləcək.

Pressing.az xəbər verir ki, 37-ci turda "Qalatasaray" evdə "Fənərbağça"nı qəbul edəcək. "Rams Qlobal Stadionu"nda oynanılacaq görüş Bakı vaxtı ilə saat 20:00-da başlayacaq. Oyunu Arda Kardeşler idarə edəcək.

Bu komandalar arasında son görüşdə - Türkiyə Superkuboku matçında "Fənərbağça"ya oyunu davam etdrmədiyi üçün 0:3 hesablı texniki məğlubiyyət verilib. Komandaların Superliqadakı son oyunlarında isə 0:0 hesabı qeydə alınıb.

Bugünkü oyun çempionluğ baxımından da əhəmiyyət daşıyır. Əgər "Qalatasaray" heç-heçə etsə və ya qələbə qazansa, çempionluğu rəsmiləşdirəcək.

"Fənərbağça" isə bu və son turdakı görüşdə qalib gəlməli, "Qalatasaray"ın məğlub olmağını gözləməlidir.

Hazırda turnir cədvəlində "Qalatasaray" 99 xalla liderdir, "Fənərbağça" isə 93 xalla 2-cidir.