Madrid “Real”ı sabiq futbolçusu Marselonun oğlu Entso Alveşlə müqaviləni uzadıb.

Pressing.az xəbər verir ki, bu barədə Marselo öz İnstaqram hesabında paylaşım edib.

Mərkəz hücumçusu ilə 2026-cı ilin yayına qədər olan müqavilə daha bir illik artırılıb.

Oğlunu təbrik edən Madrid klubunun sabiq kapitanı yazıb: “Oğlumu daha bir məqsədə nail olması münasibətilə təbrik edirəm! Sevinc, iş və məsuliyyət”.

15 yaşlı futbolçu İspaniyanın U-15 millisində də çıxış edir.