Livakoviç "Barselona"da?

"Barselona” Xorvatiya millisinin və "Fənərbaxça"nın qapıçısı Dominik Livakoviçlə müqavilə imzalayıb.

Pressing.az xəbər verir ki, bu barədə insayder Fabritsio Romano məlumat yayıb.

Kataloniya təmsilçisi ilə “Fənərbaxça” arasında razılaşma tam rəsmiləşib. Transferin məbləği 2+2 milyon avro təşkil edəcək.

Kataloniya klubu Livakoviçi müqavilə imzaladıqdan sonra icarəyə göndərməyi planlaşdırır. Gələn yay Voytsex Şensnının komandadan ayrılmasından sonra xorvatiyalı qapıçı “Barselona”nın ikinci qapıçısı olacaq.