"Zirə"dən ayrıldı, Macarıstan klubuna keçdi - RƏSMİ

"Zirə"dən ayrılan Anatoli Nuriyevin yeni klubu məlum olub.

Pressing.az xəbər verir ki, 30 yaşlı yarımmüdafiəçi karyerasını ölkə xaricində davam etdirəcək.

Azərbaycan millisinin üzvü Macarıstanın "Kişvarda" klubu ilə müqavilə imzalayıb. Bu barədə yüksək liqası təmsilçisinin mətbuat xidməti məlumat yayıb. Azad agent statusunda "Kişvarda"ya qoşulan futbolçu yeni komandasında 7 nömrəli formanı geyinəcək. Onunla bağlanan müqavilənin detalları açıqlanmayıb.