İkardidən rekord

Türkiyə Super Liqasının 30-cu turunda "Qalatasaray" səfərdə "Gənclərbirliyi" ilə qarşılaşıb.

Pressing.az xəbər verir ki, çempionluq yolunda kritik əhəmiyyət daşıyan matçda "sarı-qırmızılar"ın argentinalı ulduzu Mauro İkardi yeni rekorda imza atıb. O, görüşün hələ 2-ci dəqiqəsində rəqib qapısına yol taparaq komandasını önə keçirib. Bu, İkardinin Superliqa karyerası ərzində vurduğu ən erkən qol kimi tarixə düşüb.

Qarşılaşma İstanbul təmsilçisinin 2:1 hesablı qələbəsi ilə yekunlaşıb.