"Liverpul"a Ekitike şoku

"Liverpul" klubunun hücumçusu Uqo Ekitike sıradan çıxıb.

Pressing.az xəbər verir ki, Çempionlar Liqasının 1/4 final mərhələsi çərçivəsində PSJ-yə qarşı keçirilən cavab qarşılaşmasına start heyətində başlayan 23 yaşlı futbolçu matçın 31-ci dəqiqəsində zədələnərək əvəzlənmək məcburiyyətində qalıb.

Məlumata görə, fransalı oyunçu heç bir rəqiblə təmas olmadan bu zədəni alıb. Fransa yığmasının üzvü "Enfild" stadionunun meydanını xərəkdə tərk edib.