UEFA-dan Əliyar Ağayevə növbəti təyinat

FİFA referisi Əliyar Ağayev UEFA-dan növbəti dəfə təyinat alıb.

Pressing.az AFFA-nın saytına istinadla xəbər verir ki, Ə.Ağayev Konfrans Liqasının 1/8 final mərhələsində keçiriləcək AEK (Larnaka, Kipr) – “Kristal Pelas” (İngiltərə) matçının baş hakimi olacaq.

Ona Zeynal Zeynalov və Akif Əmirəli kömək edəcəklər. Dördüncü hakim funksiyasını Elçin Məsiyev yerinə yetirəcək. Niderlandlı Jeroen Manşot VAR, digər həmyerlimiz Nicat İsmayıllı AVAR kimi fəaliyyət göstərəcək.

Qarşılaşma Mərkəzi Avropa vaxtı ilə 18 mart, saat 21:00-da, Bakı vaxtı ilə 19 mart, saat 00:00-da başlayacaq. Görüş Larnaka şəhərindəki “AEK Arena”da keçiriləcək. İngiltərədəki ilk matçda 0:0 hesabı qeydə alınıb.