Çempionlar Liqasında daha 9 oyun keçiriləcək

Bu gün UEFA Çempionlar Liqasında Liqa mərhələsinin 7-ci turuna yekun vurulacaq.

Pressing.az xəbər verir ki, 2-ci oyun gününə də 9 matç nəzərdə tutulub.

Azərbaycan təmsilçisi "Qarabağ" Bakıda Almaniya "Ayntraxt"ını qəbul edəcək.

Türkiyə "Qalatasaray"ı İstanbulda "Atletiko"nu sınağa çəkəcək. "Çelsi" "Pafos"la, "Bavariya" "Yunion"la, "Yuventus" "Benfika" ilə üz-üzə gələcək. "Qarabağ"ın son - 8-ci turdakı rəqibi "Liverpul" isə "Marsel"in qonağı olacaq.

Qeyd edək ki, reqlamentə əsasən, turnirdə 1-8-ci yerləri tutan komandalar birbaşa 1/8 finala, 9-24-cü yerlərin sahibləri pley-offa yüksələcəklər. Ötən gecə "Arsenal" 1/8 finala vəsiqəni rəsmiləşdirən ilk komanda olmağı bacarıb. "Vilyarreal" və "Kayrat"ın isə ÇL-lə vidalaşacağı dəqiqləşib.

UEFA Çempionlar Liqası, Liqa mərhələsi, 7-ci tur

21 yanvar

21:45. “Qarabağ” (Azərbaycan) – “Ayntraxt " (Almaniya)

21:45. “Qalatasaray” (Türkiyə) – “Atletiko” (İspaniya)

00:00. “Atalanta” (İtaliya) – “Atletik” (İspaniya)

00:00. “Çelsi” (İngiltərə) – “Pafos” (Kipr)

00:00. “Bavariya” (Almaniya) – “Yunion" (Belçika)

00:00. “Yuventus” (İtaliya) – “Benfika” (Portuqaliya)

00:00. “Nyukasl” (İngiltərə) – “PSV” (Niderland)

00:00. “Marsel” (Fransa) – “Liverpul” (İngiltərə)

00:00. “Slaviya Praqa” (Çexiya) – “Barselona” (İspaniya)