“Qarabağ”ın U-19 komandası bu gün UEFA Gənclər Liqasında növbəti oyuna çıxıb.

Pressing.az xəbər verir ki, Rəşad Sadiqovun rəhbərlik etdiyi kollektiv “Çelsi”nin U-19 komandası ilə qarşılaşıb. “Azersun Arena”da keçirilən görüşdə Ağdam təmsilçisi 0:5 hesabı ilə məğlub olub.

Xatırladaq ki, “Qarabağ”ın U-19 komandası Gənclər Liqasında bundan əvvəl “Benfika”ya (Portuqaliya) 1:7, “Kopenhagen”ə (Danimarka) 0:5, “Atletik”ə (İspaniya) isə 0:3 hesabı ilə uduzub.

Hazırda "Çelsi" 12 xalla 1-ci, xalı olmayan "Qarabağ" isə sonuncu - 36-cı pillədə qərarlaşır.

UEFA Gənclər Liqası, əsas mərhələ, 4-cü tur

"Qarabağ" U-19 - "Çelsi" U-19 - 0:5

Qollar: Cordon, 58, Derri, 66, 68, Meuka, 80, Runyam, 90+2