"Barselona" klubunun futbolçusu Lamin Yamal yeni müqavilə imzalamaq üçün klubun bazasına gəlib.

Pressing.az xəbər verir ki, İspaniya millisinin üzvü artıq şifahi razılıq verib, hazırda isə sənəd işləri qalıb. Kataloniya klubu 17 yaşlı vingerlə 2031-ci ilin yayına qədər sözləşmə bağlayacaq.

Qeyd edək ki, Lamin Yamal bu mövsüm "Barselona"nın heyətində 55 oyuna çıxaraq 18 qol vurub və 25 qolun ötürməsini edib.