O da mundialdan kənarda qaldı

Avstriya millisinin və Almaniyanın "Leyptsiq" klubunun yarımmüdafiəçisi Kristof Baumqartner zədə səbəbindən Dünya Çempionatında çıxış edə bilməyəcək.

Pressing.az xəbər verir ki, 26 yaşlı futbolçu Tunis yığması ilə yoldaşlıq oyunundan (1:0) əvvəl, isinmə hərəkətləri zamanı sağ bud nahiyəsindən zədələnib.

MRT müayinəsindən sonra onun dünya çempionatında iştirakının qeyri-mümkün olduğu müəyyənləşib.

Qeyd edək ki, dünya çempionatı iyunun 11-dən iyulun 19-na qədər ABŞ, Kanada və Meksikada təşkil olunacaq. Avstriya millisi J qrupunda İordaniya, Argentina və Əlcəzair yığmaları ilə qarşılaşacaq.