"Kəpəz"in iki futbolçusu əməliyyat ediləcək

"Kəpəz" klubunun yarımmüdafiəçisi Elmir Tağıyev və müdafiəçisi İlkin Qırtımov əməliyyatı olunacaq.

Pressing.az xəbər verir ki, əzələ qopmasından əziyyət çəkən Elmir Tağıyev Türkiyənin İstanbul şəhərində əməliyyat ediləcək. İlkin Qırtımovun əməliyyatı isə Bakıda olacaq. Ona diz oynağının medial meniskin yırtığı diaqnozu qoyulub.

Qeyd edilib ki, hər iki oyunçunun bərpa müddəti 3 həftə çəkəcək.