Xəbər lenti

Misli Premyer Liqasında XXIII turun oyunları davam edir.

Pressing.az xəbər verir ki, son oyun günündə iki matç keçirilib. "Sabah" öz meydanında "Turan Tovuz"la qarşılaşıb. Görüşdə sürpriz nəticə qeydə alınıb. "Turan Tovuz" 2:0 hesablı qələbə qazanıb. Bu, "Sabah"ın mövsümdə 2-ci məğlubiyyətidir. Komandanın 16 oyunluq məğlubiyyətsizlik seriyasına da son qoyulub. "Sabah" sonuncu dəfə 6-cı turda "Qarabağ"a uduzmuşdu - 3:4.

Turun son matçında "Qarabağ" səfərdə "Zirə" ilə üz-üzə gəlib. "Qarabağ" "Zirə"nin kapitanı Qismət Alıyevin avtoqolu ilə minimal hesablı qələbə qazanıb.

Bu oyunlardan sonra lider "Qarabağ"la 2-ci yerdəki "Sabah" arasındakı xal fərqi 8-ə çatıb.

19 fevral (bazar)

19:00. “Zirə” – “Qarabağ” - 0:1

Qol: Qismət Alıyev, 87-avtoqol (0:1)
Hakimlər: Tural Qurbanov, Vüsal Məmmədov, Müslüm Əliyev, Vüqar Həsənli
Zirə İdman Kompleksinin stadionu

16:30. “Sabah” - “Turan Tovuz” - 0:2

Qollar: Natan Oduva, 11, Ayxan Quseynov, 62
Hakimlər: Kamal Umudlu, Elşad Abdullayev, Cəmil Quliyev, Nicat İsmayıllı
“Bank Respublika Arena”