Azərbaycan 2-ci Liqasında geridə qalan mövsüm ev oyunlarına ən çox azarkeş toplayan komandaların reytinqi açıqlanıb.

Pressing.az xəbər verir ki, siyahıya Şəki təmsilçisi "Şəki Siti" başçılıq edir.

Komandanın hər ev matçını orta hesabla 458 azarkeş izləyib.

Şəkililərin ev qarşılaşmalarına mövsüm ərzində 6 minə yaxın izləyici toplaşıb.

“Ağdaş” bu göstəricidə ikinci, "Şəmkir" üçüncüdür.

Ümumən isə ən çox tamaşaçı toplayan oyun 1-ci tura təsadüf edib. “Şəki Siti" - “Dinamo” qarşılaşmasında 1100 izləyici olub.

“Lerik” - “Qusar” matçında 900, “Cəbrayıl” - “Füzuli” oyununda 800 seyrçi qeydə alınıb.

2-ci Liqanın 182 oyunundan 6-sı texniki nəticə ilə yekunlaşıb.

Digər 176 matçına 24092 tamaşaçı gəlib.