Xəbər lenti

Türkiyənin Antalya şəhərindəki toplanışı yekunlaşdırmaq üzrə olan "Kəpəz" bu gün sonuncu yoxlama matçında çıxıb.

Pressing.az xəbər verir ki, Gəncə təmsilçisi Qazaxıstanın "Kaysar" klubu ilə qarşılaşıb. Oyun "Kəpəz"in 3:0 hesablı qələbəsi ilə başa çatıb. Ahmed Ayzaya 18-ci 50-ci dəqiqələrdə fərqlənərək dubl edib. "Kəpəz"in digər qolunu isə Mate Kvirkviya 48-ci dəqiqədə vurub.

"Kaysar" Qazaxıstanın 2-ci liqasında çıxış edir və 56 xalla 2-ci pillədə qərarlaşıb.

Qeyd edək ki, ilk sınaq matçında Macarıstanın 2-ci liqa təmsilçisi "MTK Budapeşt"i 1:0 hesabı ilə məğlub edən Tərlan Əhmədovun komandası ikinci oyunda Serbiyanın "Novi Pazar" klubu ilə qolsuz heç-heçə edib.