"Neftçi"də ciddi itkilər – 4 futbolçusu oynamayacaq

"Neftçi" klubu Azərbaycan Premyer Liqasının 35-ci turunda səfərdə “Səbail”lə qarşılaşacaq.

Pressing.az klubun mətbuat xidmətinə istinadən xəbər verir ki, "ağ-qaralar" oyuna ciddi itkilərlə çıxacaq.

Bərpa prosesi keçən Emil Balayevlə yanaşı müalicəsini davam etdirən Emin Mahmudov, eləcə də cəzalı Yuri Matias və Andre Şinyaşiki bu matçı buraxmalı olacaqlar.

Qeyd edək ki, mayın 18-i keçiriləcək "Səbail" - "Neftçi" qarşılaşması saat 17:00-da başlayacaq.