Azərbaycan Premyer Liqasında 33-cü turun oyunları davam edir.
Pressing.az xəbər verir ki, bu gün 2 matç keçirilib. "Zirə" "Turan Tovuz"un qonağı olub.
Oyun "Zirə"nin 2:1 hesablı qələbəsi ilə başa çatıb. Paytaxt klubunun əsas rəqibləri "Neftçi" və "Sumqayıt" ötən gün xal itirdiyindən komanda bu qələbə ilə yenidən 2-ci pilləni ələ keçirib.
Günün digər qarşılaşmasında "Araz-Naxçıvan" "Sabah"ı qəbul edib. Bu oyunda "Sabah" baxımlı qolla qalib gəlib - 1:0. Nəticədə Bakı təmsilçisi "Neftçi" və "Sumqayıt"ı geridə qoyaraq 3-cü pilləyə yüksəlib.
Qeyd edək ki, tura sabah keçiriləcək 1 oyunla yekun vurulacaq.
5 may
Misli Premyer Liqası, 33-cü tur
19:00. “Araz Naxçıvan” – “Sabah” - 0:1
Qol: Ayaz Quliyev, 2 (0:1)
Hakimlər: Əliyar Ağayev, Akif Əmirəli, Rahil Ramazanov, Rəşad Əhmədov
Liv Bonadea Arena
16:30. “Turan Tovuz” – “Zirə” - 1:2
Qol: Salifu Suma, 14 (0:1), Fərid Nəbiyev, 52 (1:1), Sezar Meza Kolli, 70 (1:2)
Qırmızı vərəqə: Roderik Miller, 90+9 ("Turan Tovuz")
Hakimlər: Elçin Məsiyev, Elşad Abdullayev, Pərvin Talıbov, Kamal Umudlu
Tovuz şəhər stadionu