“Qarabağ” klubu Azərbaycan Premyer Liqasının 20-ci turunda “Kəpəz”lə matçı (1:2) 10 futbolçu ilə başa vurmalı olub.

Pressing.az xəbər verir ki, matçın 84-cü dəqiqəsində “Qarabağ”ın futbolçusu Yasin Benzia zədələnərək meydanı tərk edib. O, rəqib qapıçı İqor Rodrigeşlə toqquşub və başından xəsarət alıb. "Qarabağ" 5 əvəzetmənin hamısından istifadə etdiyi üçün matçı 10 nəfərlə başa vurmağa məcbur olub.

Benzia 76-ci dəqiqəsində Riçard Almeydanın əvəzinə meydana daxil olmuşdu.

Qeyd edək ki, "Qarabağ"ın digər futbolçusu Redon Cica da zədə səbəbindən 63-cü dəqiqədə əvəzlənib.