Bu gün Misli Premyer Liqasında 18-ci tura start verilib.

Pressing.az xəbər verir ki, ilk oyun gününə iki görüş keçirilib.

"Neftçi" öz meydanında "Şamaxı" ilə qarşılaşıb. Oyun "ağ-qaralar"ın böyükhesablı qələbəsi ilə başa çatıb - 3:0.

Günün ikinci matçında isə son turlarda uğursuz çıxış edən "Sabah" ardıcıl 2 oyunda qələbə qazanan "Sumqayıt"ın qonağı olub və 6:0 hesabı ilə qalib gəlib.

Qeyd edək ki, turun digər oyunları dekabrın 24-ü və 25-də keçiriləcək.

23 dekabr (cümə)

18:30. “Sumqayıt” – “Sabah” - 0:6

Qol: Emmanuel Apeh, 3 (0:1), Coy Lens Mikels, 14 (0:2), Aleksey Kaşuk, 28 (0:3), Elvin Camalov, 33 (0:4), Anatoli Nuriyev, 77 (0:5), Davit Volkov, 85 (0:6)
Hakimlər: Əliyar Ağayev, Zeynal Zeynalov, Akif Əmirəli, İnqilab Məmmədov
“Kapital Bank Arena".

16:00. “Neftçi” – “Şamaxı” - 3:0

Qollar: İsmayıl Zülfüqarlı, 41, Fuad Bayramov, 52-avtoqol, Ağadadaş Salyanski, 88
Hakimlər: Rəşad Əhmədov, Rəhman İmami, Vüsal Məmmədov, Səbuhi Bayramov
“Bakcell Arena”.