“Neftçi” Azərbaycan kubokunda 50-ci ev qələbəsini qazanıb. Bu, 1/4 finalın cavab oyununa təsadüf edib. “Ağ-qaralar” “Zirə”yə 3:1 hesabı ilə qalib gəlib.

Pressing.az xəbər verir ki, “Neftçi” buna turnirdə öz meydanında keçirdiyi 80-ci matçda nail olub. Bakılılar ölkə kuboku tarixində evdə 50 və daha çox qələbə qazanan ikinci komandadır. Yalnız “Qarabağ” daha çox – 58 uğura sevinib.

“Neftçi” ölkə kubokunda bütün mövsümlərdə iştirak edən yeganə komandadır. “Ağ-qaralar”ın ilk ev qələbəsi 1993-cü ildə qeydə alınıb. Onlar 1/32 finalda OİK-ə qalib gəlib – 6:0.