Futbol üzrə Azərbaycan Kubokunun 1/4 final mərhələsində “Zirə” ilə ilk matçda (0:1) zədələnən "Neftçi"nin futbolçusu Eddi İsrafilovun durumuna aydınlıq gəlib.

Pressing.az xəbər verir ki, o, müayinədən keçib. Bununla bağlı “Neftçi”nin baş həkimi Şaiq Zöhrablı klubun rəsmi saytına açıqlamasında bildirib:

“Eddi İsrafilovun diz oynağının bağ və sümük aparatında sınıq və ya gərilmə müşahidə olunmayıb. Sadəcə, ciddi toqquşma nəticəsində əzilmə və həmin hissədə yüngül ödem olduğuna görə futbolçu ağrı hiss edir. O, gələn həftədən fərdi məşqlərə başlayacaq, sonradan komandaya qoşulacaq. Yəni futbolçunun səhhətində ciddi problem yoxdur”.