"Neftçi"dən əzmkar qələbə, Tovuzda "sülh" - YENİLƏNİB

Azərbaycan Premyer Liqasında 2-ci dövrənin ilk turuna start verilib.

Pressing.az xəbər verir ki, ilk oyun günündə 2 matç keçirilib. "Turan Tovuz" son çempion "Qarabağ"ı qəbul edib. Gərgin keçən oyunda qalib müəyyənləşməyib - 2:2.

"Qarabağ" qələbəyə yaxın olsa da, "Turan Tovuz" son dəqiqə qolu ilə məğlubiyyətdən qurtulub. Bununla da Ağdam təmsilçisinin 4 oyunluq qələbə seriyasına son qoyulub.

Günün son oyununda "Neftçi" səfərdə "Səbail"lə üz-üzə gəlib. Bu qarşılaşmada "Neftçi" son dəqiqələrdə vurduğu qollarla qalib gəlib - 2:4.

Qeyd edək ki, turun digər oyunları 21 və 22 oktyabr tarixlərində keçiriləcək.

20 oktyabr (cümə)

20:30. “Səbail” – “Neftçi” - 2:4

Qollar: David Qomis, 2 (1:0), Filip Ozobiç, 12 (1:1), Ataa Caber, 45+3 (1:2), Aleksandr Ramalinqom, 79 (2:2), Yuri Matias, 87 (2:3), Rəhman Hacıyev, 90+4 (2:4)
Hakimlər: Əliyar Ağayev, Zeynal Zeynalov, Akif Əmirəli, Rəvan Həmzəzadə
“ASCO Arena”

18:30. “Turan Tovuz” – “Qarabağ” - 2:2

Qollar: Juninyo, 7 (0:1), Oto Con, 46 (1:1), Leandro Andrade, 90 (1:2), Ayxan Hüseynov, 90+4 (2:2)

Hakimlər: Fərid Hacıyev, Pərvin Talıbov, Asiman Əzizli, Emin Əliyev
Tovuz şəhər stadionu