Millimiz uduzdu, kapitan hörmətsizlik etdi və baş məşqçi kapitana çox sərt reaksiya verdi - VİDEO

21 yaşadək futbolçulardan ibarət Azərbaycan yığması Avropa çempionatının seçmə mərhələsi çərçivəsində Bakıda Şimali İrlandiyaya 0:1 hesabı ilə məğlub olub.

Pressing.az xəbər verir ki, rəqib 37-ci dəqiqədən sonra azlıqda oynamasına baxmayaraq millimiz bundan istifadə edə bilməyib.

Matçın final fitindən sonra isə meydanda insident baş verib. Yığmamızın kapitanı Fərid Yusifli rəqib oyunçu mübahisə edib və gərginlik yaşanıb. Görüşün baş hakimi hər iki futbolçuya sarı vərəqə göstərib.

Millinin digər üzvü Veysəl Rzayev də Fəridə etirazını bildirib. O komanda yoldaşına "bunu oyunda göstərmək lazım idi" deyə səslənib.

Fərid Yusifli bundan sonra yenə diqqət mərkəzinə düşüb. "Neftçi"nin yarımmüdafiəçisi onunla görüşmək istəyən rəqib baş məşqçiyə hörmətsizlik edib. Gənc oyunçu təcrübəli mütəxəssisin əlini sıxmayıb.

Millimizin baş məşqçisi Samir Əliyev də bu hadisəni görüb. O futbolçusuna sərt şəkildə reaksiya verib. Əliyev kapitanın yanına gedərək hər kəsin gözü qarşısında onun sinəsinə zərbə vurub.