"Qalatasaray"a görə millimizin oyununun vaxtı dəyişdirildi

Futzal üzrə DÇ-2024-ün elit-raundu çərçivəsində sentyabrın 20-də keçiriləcək Azərbaycan – Niderland oyununun başlama saatının dəyişdirilməsinin səbəbi bəlli olub.

Pressing.az xəbər verir ki, həmin gün Çempionlar Liqası qrup mərhələsinin "Qalatasaray" - Kopenhagen" matçı da olacaq. Bunu nəzərə alan "CBC Sport" kanalı Azərbaycan Futzal Federasiyasına müraciət edərək görüşün vaxtının dəyişdirilməsini istəyib.

Federasiya UEFA ilə əlaqə saxladıqdan sonra Azərbaycan - Niderland qarşılaşmasının vaxtı 20:00-dan 18:30-a keçirilib.

Qeyd edək ki, "Qalatasaray" - "Kopenhagen" oyunu sentyabrın 20-də Bakı vaxtilə saat 20:45-də baş tutacaq.