1-ci Liqada yeni mövsüm başladı – "Şahdağ Qusar" ilk qələbəsini qazandı – FOTO
Bu gün futbol üzrə Azərbaycan 1-ci Liqasının 2026-27-ci illər üzrə mövsümünə start verilib.
Mövsümün ilk oyunu Binə kənd stadionunda keçirilib. MOİK (Mərkəzi Ordu İdman klubu) Qusar rayon təmsilçisi "Şahdağ Qusar"ı qəbul edib. Xatırladaq ki, sentyabrın 1-də həmçinin 2-ci liqanın mövsümdə ilk oyunları keçirilib.
Oyun 1-ci hissədə qonaqların üstünlüyü ilə keçib. 1-ci liqada mövsümün ilk qolunu 14-cü dəqiqədə "Şahdağ Qusar"ın 10 nömrəli oyunçusu Joze Zenqo vuraraq komandasını önə çıxarıb. Sonrakı dəqiqələrdə hərbçilər hesabı bərabərləşdirməyə çalışsa da, rayon klubu ilə bacara bilməyib.
Yeri gəlmişkən, qeyd edək ki, sovet dövründən futbol ənənəsi olan "Şahdağ Qusar" son iki ildə yaşadığı böhrandan çıxmağı bacararaq bu mövsüm güclü heyət formalaşdırıb. Klubun bu mövsümdə yeni baş məşqçisi Fizuli Məmmədov hələ bir müddət bundan əvvəl demişdi ki, kluba rayon rəhbərliyi səviyyəsində dəstək var, sponsor və azarkeş marağı güclənib və onlar yeni transferlər həyata keçirəcək. Bunun ardıyca qusarlılar Premyer Liqadan bir neçə futbolçunu komandaya dəvət edərək hazırlıq aparıb.
Qeyd edək ki, "Şahdağ Qusar" 2024-25 mövsümündə 1-ci liqanın çempionu olub. Klub indiyədək ev oyunlarını 4000 tamaşaçı tutumu olan Şövkət Orduxanov adına Qusar rayon stadionunda keçirib. Hazırda stadion təmirdə olduğu üçün komanda ev oyunları üçün Şamaxı OİK stadionunu seçib. Maraqlıdır ki, bu mövsümə iddialı başlayan klub beynəlxalq heyət qurub: Fransa (İdir Boutrif), Anqola (Jose Cristovao Zenqo) və Qana kimi ölkələrdən maraqlı legionerlər cəlb edib.
1-ci Liqanın ilk oyunu 0:1 hesabıyla başa çatıb.
Zülfiyyə Mustafayeva
Mövsümün ilk oyunu Binə kənd stadionunda keçirilib. MOİK (Mərkəzi Ordu İdman klubu) Qusar rayon təmsilçisi "Şahdağ Qusar"ı qəbul edib. Xatırladaq ki, sentyabrın 1-də həmçinin 2-ci liqanın mövsümdə ilk oyunları keçirilib.
Oyun 1-ci hissədə qonaqların üstünlüyü ilə keçib. 1-ci liqada mövsümün ilk qolunu 14-cü dəqiqədə "Şahdağ Qusar"ın 10 nömrəli oyunçusu Joze Zenqo vuraraq komandasını önə çıxarıb. Sonrakı dəqiqələrdə hərbçilər hesabı bərabərləşdirməyə çalışsa da, rayon klubu ilə bacara bilməyib.
Yeri gəlmişkən, qeyd edək ki, sovet dövründən futbol ənənəsi olan "Şahdağ Qusar" son iki ildə yaşadığı böhrandan çıxmağı bacararaq bu mövsüm güclü heyət formalaşdırıb. Klubun bu mövsümdə yeni baş məşqçisi Fizuli Məmmədov hələ bir müddət bundan əvvəl demişdi ki, kluba rayon rəhbərliyi səviyyəsində dəstək var, sponsor və azarkeş marağı güclənib və onlar yeni transferlər həyata keçirəcək. Bunun ardıyca qusarlılar Premyer Liqadan bir neçə futbolçunu komandaya dəvət edərək hazırlıq aparıb.
Qeyd edək ki, "Şahdağ Qusar" 2024-25 mövsümündə 1-ci liqanın çempionu olub. Klub indiyədək ev oyunlarını 4000 tamaşaçı tutumu olan Şövkət Orduxanov adına Qusar rayon stadionunda keçirib. Hazırda stadion təmirdə olduğu üçün komanda ev oyunları üçün Şamaxı OİK stadionunu seçib. Maraqlıdır ki, bu mövsümə iddialı başlayan klub beynəlxalq heyət qurub: Fransa (İdir Boutrif), Anqola (Jose Cristovao Zenqo) və Qana kimi ölkələrdən maraqlı legionerlər cəlb edib.
1-ci Liqanın ilk oyunu 0:1 hesabıyla başa çatıb.
Zülfiyyə Mustafayeva
