Xərclənən milyonlar və bəhrəsi: "Şəfa"nın "MyGroup"la yüksəlişi – YAZI
Premyer Liqanın köhnə sakini "Şəfa" yenidən elitaya vəsiqəni təmin edib. Təsadüfi deyil ki, bu gün Azərbaycan futbol ictimaiyyətində haqqında ən çox danışılan klublardan biri də məhz paytaxt təmsilçisidir. Demək olar ki, "Şəfa"nın hər addımı – etdiyi transferlər, gördüyü işlər yaxından izlənilir və bu komandanın növbəti mövsümdən Premyer Liqada necə çıxış edəcəyi böyük maraq doğurur.
Bu isə göründüyü kimi asan olmadı. Bakılılar yüksək liqaya birdən-birə vəsiqə qazanmadı. İki il aşağı liqalarda mübarizə aparan klub yekunda istəyinə çatdı. Bu uğurda əsas pay sahibi isə məhz "Şəfa"nın baş sponsoru "MyGroup" şirkətidir. Sözügedən şirkət xərclədiyi pulların bəhrəsini görməyə başlayıb. İlk mərhələdə əsas hədəf elitaya yüksəlmək idi ki, bu məqsədə də çatılıb.
Bineyi-qədimdən investisiya futbolda baş rolda olub. Bir klubun dirçəlməsi, inkişaf etməsi üçün maliyyə əsas şərtdir. Təbii ki, pul da düzgün yerə yönəldilməli və doğru istiqamətdə xərclənməlidir. Təsadüfi deyil ki, "MyGroup" indiyədək "Şəfa"nın ayağa qalxması, dirçəlməsi üçün milyonlarından keçib. Şirkət adına xoş olan mənzərə budur ki, artıq böyütdüyü ağac meyvə verməyə başlayıb. "Şəfa"nı ən çətin vaxtlarında himayəsinə alan şirkət peşmanlıq yaşamadı, deyə bilərik.
Daha məsuliyyətli və çətin mərhələ isə bundan sonra başlayır. Klubun yeni vitse-prezidenti Əfran İsmayılov "CBC Sport"un efirində qonaq olarkən klubun ilk məqsədinin debüt mövsümündə elitada qalmaq olduğunu bildirdi. Uzun illər sonra yenidən Premyer Liqaya qayıdan Bakı klubu abu-havanı duymaq, ayaq uydurmaq üçün çalışacaq. Klub yeni transferlərlə növbəti mövsümə hazırlıqlarını da davam etdirir. Artıq bir neçə tanınmış azərbaycanlı futbolçu heyətə qatılıb və bu proses davam edəcək.
"Şəfa" akademiya və uşaq futbolunu da unutmayacaq. Belə ki, klubun prezidenti Kənan Sadıqlı 1-ci Liqada çempion olduqdan sonra jurnalistlərə açıqlamasında əsas prioritetlərdən birinin də məhz uşaq futbolunun inkişafı olacağını bildirdi.
Xülasə, "Şəfa" elitaya təşkilatlanmış, tam şəkildə gəlir.
Nəticə isə zamanla bilinəcək...
Pressing.az
Bu isə göründüyü kimi asan olmadı. Bakılılar yüksək liqaya birdən-birə vəsiqə qazanmadı. İki il aşağı liqalarda mübarizə aparan klub yekunda istəyinə çatdı. Bu uğurda əsas pay sahibi isə məhz "Şəfa"nın baş sponsoru "MyGroup" şirkətidir. Sözügedən şirkət xərclədiyi pulların bəhrəsini görməyə başlayıb. İlk mərhələdə əsas hədəf elitaya yüksəlmək idi ki, bu məqsədə də çatılıb.
Bineyi-qədimdən investisiya futbolda baş rolda olub. Bir klubun dirçəlməsi, inkişaf etməsi üçün maliyyə əsas şərtdir. Təbii ki, pul da düzgün yerə yönəldilməli və doğru istiqamətdə xərclənməlidir. Təsadüfi deyil ki, "MyGroup" indiyədək "Şəfa"nın ayağa qalxması, dirçəlməsi üçün milyonlarından keçib. Şirkət adına xoş olan mənzərə budur ki, artıq böyütdüyü ağac meyvə verməyə başlayıb. "Şəfa"nı ən çətin vaxtlarında himayəsinə alan şirkət peşmanlıq yaşamadı, deyə bilərik.
Daha məsuliyyətli və çətin mərhələ isə bundan sonra başlayır. Klubun yeni vitse-prezidenti Əfran İsmayılov "CBC Sport"un efirində qonaq olarkən klubun ilk məqsədinin debüt mövsümündə elitada qalmaq olduğunu bildirdi. Uzun illər sonra yenidən Premyer Liqaya qayıdan Bakı klubu abu-havanı duymaq, ayaq uydurmaq üçün çalışacaq. Klub yeni transferlərlə növbəti mövsümə hazırlıqlarını da davam etdirir. Artıq bir neçə tanınmış azərbaycanlı futbolçu heyətə qatılıb və bu proses davam edəcək.
"Şəfa" akademiya və uşaq futbolunu da unutmayacaq. Belə ki, klubun prezidenti Kənan Sadıqlı 1-ci Liqada çempion olduqdan sonra jurnalistlərə açıqlamasında əsas prioritetlərdən birinin də məhz uşaq futbolunun inkişafı olacağını bildirdi.
Xülasə, "Şəfa" elitaya təşkilatlanmış, tam şəkildə gəlir.
Nəticə isə zamanla bilinəcək...
Pressing.az
