"Təəssüf ki, 3:0 öndə olub bu üstünlüyü qoruya bilmədik" - Valdas Dambrauskas
Misli Premyer Liqasının 22-ci turu çərçivəsində "Sabah" və "Qarabağ" komandaları qarşılaşıb. Matç 3:3 hesablı heç-heçə ilə yekunlaşıb.
Pressing.az xəbər verir ki, "Sabah" klubunun baş məşqçisi Valdas Dambrauskas matçdan sonra oyun barədə fikirlərini bölüşüb. Mütəxəssis 3:0 hesablı üstünlüyü əldən vermələrini təcrübə fərqi və konsentrasiya itkisi ilə əlaqələndirib:
"Oyunun belə bir hesabla bitəcəyini məşqçilər heyəti ilə öncədən təxmin etmişdik. Lakin təəssüf ki, 3:0 öndə olub bu üstünlüyü qoruya bilmədik. Burada "Qarabağ"ın təcrübəsi öz sözünü dedi. Son 20 dəqiqədə onlar geri dönüş etməyi bacardılar. Əgər hesabda belə böyük fərqlə öndəsənsə, nəyin bahasına olursa-olsun qələbəni qorumalıydın. Bu, bizim üçün yaxşı dərsdir, bundan nəticə çıxarmalıyıq. Qarşıda kubok matçı var, çempionat oyunları olacaq. Bu mənada, belə vəziyyətə düşdükdə, artıq daha yaxşı hazırlıqlı olmalıyıq, düzgün oynamalıyıq. Hər iki komandanı bugünkü oyuna görə təbrik edirəm. 70-ci dəqiqəyə qədər hesabda öndə olsaq da, rəqib son 20 dəqiqədə gözəl geri dönüş edərək, hesabı bərabərləşdirdi. Soyuq havada stadiona gələn azarkeşlərə təşəkkür edirəm. Gəlməyənlərə görə də çox üzgünəm. Hələ də tribunada boş yerlər var idi. Bəzən çempionat oyunlarımız Çempionlar Liqası matçlarından daha gərgin və maraqlı alınır. Bu gün meydanda hər şey vardı: intriqa, dram və yüksək temp".
Pressing.az xəbər verir ki, "Sabah" klubunun baş məşqçisi Valdas Dambrauskas matçdan sonra oyun barədə fikirlərini bölüşüb. Mütəxəssis 3:0 hesablı üstünlüyü əldən vermələrini təcrübə fərqi və konsentrasiya itkisi ilə əlaqələndirib:
"Oyunun belə bir hesabla bitəcəyini məşqçilər heyəti ilə öncədən təxmin etmişdik. Lakin təəssüf ki, 3:0 öndə olub bu üstünlüyü qoruya bilmədik. Burada "Qarabağ"ın təcrübəsi öz sözünü dedi. Son 20 dəqiqədə onlar geri dönüş etməyi bacardılar. Əgər hesabda belə böyük fərqlə öndəsənsə, nəyin bahasına olursa-olsun qələbəni qorumalıydın. Bu, bizim üçün yaxşı dərsdir, bundan nəticə çıxarmalıyıq. Qarşıda kubok matçı var, çempionat oyunları olacaq. Bu mənada, belə vəziyyətə düşdükdə, artıq daha yaxşı hazırlıqlı olmalıyıq, düzgün oynamalıyıq. Hər iki komandanı bugünkü oyuna görə təbrik edirəm. 70-ci dəqiqəyə qədər hesabda öndə olsaq da, rəqib son 20 dəqiqədə gözəl geri dönüş edərək, hesabı bərabərləşdirdi. Soyuq havada stadiona gələn azarkeşlərə təşəkkür edirəm. Gəlməyənlərə görə də çox üzgünəm. Hələ də tribunada boş yerlər var idi. Bəzən çempionat oyunlarımız Çempionlar Liqası matçlarından daha gərgin və maraqlı alınır. Bu gün meydanda hər şey vardı: intriqa, dram və yüksək temp".
