"Bunu inkar etmək sadəlövhlük olar" - Azər Bağırov

Misli Premyer Liqasının 18-ci turunda keçirilən "Kəpəz" - "Şamaxı" oyunundan (0:2) sonra meydan sahiblərinin baş məşqçisi Azər Bağırovun iştirakıyla mətbuat konfransı keçirilib.

Pressing.az zəbər verir ki, o, matçla bağlı bunları deyib:

"Oyunun çətin olacağını bilirdik. Rəqibin keçən turda məğlub olması bu oyuna təsirsiz ötüşməyəcəkdi. Biz də maksimum hazırlaşmağa çalışmışdıq. Üzücü məğlubiyyət aldıq. Buna baxmayaraq, ikinci dövrə təzə başlayıb. Çalışacağıq ki, növbəti oyunlara hazırlaşaq".

Bağırov daha sonra jurnalistlərin suallarını cavablandırıb.

- Sanki komanda "Qarabağ" üzərindəki qələbənin eyforiyasından çıxa bilməyib. Siz necə düşünürsünüz?

- Ola bilər. Biz bununla bağlı işimizi görmüşük. Hardasa cücərtilər qala bilər. Bunu inkar etmək sadəlövhlük olar. Komanda ilə neçə gündür bu barədə söhbət edirik. Cərimə meydançasında çox ucuz səhvlər etdik. Rəqib itirdiyimiz toplardan bizə qollar vurdu.

Daşqın Əziz