Ayxan Abbasov: "Bugünkü oyun komanda olaraq ayılmağımıza təsir edəcək"

Misli Premyer Liqasının 17-ci turunda keçirilən "Şamaxı" - "Qəbələ" oyunundan (0:4) sonra meydan sahiblərinin baş məşqçisi Ayxan Abbasovun iştirakıyla mətbuat konfransı keçirilib.

Pressing.az xəbər verir ki, o, matçla bağlı fikirlərini bölüşüb:

"Üzücü məğlubiyyət oldu. Çətin olacağını bilirdik. Fasilədən sonra hər kəs xal qazanmaq istəyir. İlk qoladək pis getmədik. Artıq neçənci dəfədir ki, son dəqiqələrdə qol buraxırıq. Bu gün də eyni ssenari oldu. Ümumən bugünkü oyun komanda olaraq ayılmağımıza təsir edəcək. Çətin olacaq, amma mübarizə aparacağıq".