Misli Premyer Liqasında ardıcıl 4 oyundur ki, qələbə qazana bilməyən "Turan Tovuz"un rəhbərliyi baş məşqçi Kurban Berdıyevdən narazıdır.

Pressing.az-a daxil olan informasiyaya görə, tovuzlular 16-cı tur çərçivəsində bu gün "Kəpəz"lə keçiriləcək oyunda məğlubiyyətlə üzləşsə, 73 yaşlı rusiyalı mütəxəssisə yol görünəcək.

TT rəhbərliyi klubla 2026-cı ilin iyununadək müqaviləsi olan Berdıyevlə vaxtından tez yollarını ayıracaq.

Qeyd edək ki, təcrübəli çalışdırıcı 2024-cü ildən "Turan Tovuz"u "sükanı arxasında"dır.

Əlavə edək ki, "Kəpəz" – "Turan Tovuz" matçı saat 14:00-da start götürəcək.

Pressing.az