"Sabah", "Şamaxı" və "Qarabağ"dan qələbə - YENİLƏNİB

Bizon Azərbaycan Kubokunda 1/8 final mərhələsi davam edir.

Pressing.az xəbər verir ki, 2-ci oyun gününə nəzərdə tutulan 3 matç başa çatıb.

"Şamaxı" evdə "Bakı Sportinq"lə qarşılaşıb və 1:0 hesabı ilə qalib gələrək 1/4 finala yüksəlib. Ayxan Abbasovun komandası 1/4 finalda "Qarabağ" - "Karvan-Yevlax" matçının üstün olan tərəfi ilə qarşılaşacaq.

Həmçinin kubokun son sahibi "Sabah" "İmişli"nin qonağı olub. Oyunun əsas vaxtı 1:1 hesabı ilə yekunlaşıb. Əlavə vaxtda isə "Sabah" daha 1 qol vuraraq 1/4 finala yüksəlib. Komanda növbəti mərhələdə “Qəbələ" - "Şəfa" cütünün üstün tərəfi ilə qarşılaşacaq.

Günün son matçında "Qarabağ" "Karvan-Yevlax"ı qəbul edib. Qarşılaşma Ağdam klubunun qələbəsi ilə başa çatıb.

Qeyd edək ki, 1/8 final mərhələsi bir oyundan ibarətdir. Ötən gün "Turan Tovuz" və "Zirə" 1/4 finala adlayıblar.

Əlavə edək ki, bu mərhələdə yalnız Misli Premyer Liqasının iştirakçılarının bir-biri ilə oynadığı görüşlərdə VAR sistemi tətbiq olunur.

Bizon Azərbaycan Kuboku

1/8 final

3 dekabr

19:00. "Qarabağ" – "Karvan-Yevlax" - 3:0

Qollar: Nəriman Axundzadə, 80, Elvin Yunuszadə, 83-avtoqol, Nəriman Axundzadə, 89

Hakimlər: Əliyar Ağayev, Zeynal Zeynalov, Akif Əmirəli, Nicat İsmayıllı.

VAR: Rəşad Əhmədov.

AVAR: Emin Əliyev.

"Azərsun Arena"

14:00. "Şamaxı" – "Bakı Sportinq" - 1:0

Qol: Abdullahi Şuaybu, 69

Hakimlər: İnqilab Məmmədov, Namiq Hüseynov, Rahil Ramazanov, Elvin Bayramov.

Şamaxı şəhər stadionu

14:00. "İmişli" – "Sabah" - 1:2

Qollar: Coy-Lens Mikels, 59 (0:1), İbrahim Əliyev, 89-pen. (1:1), Kahim Parris, 96 (1:2)

Hakimlər: Kamal Umudlu, Vüsal Məmmədov, Şirmamed Mamedov, Əkbər Əhmədov.

VAR: Fərid Hacıyev.

AVAR: Vüqar Həsənli.

Quba OİK stadionu