21 yaşadək futbolçulardan ibarət Azərbaycan millisini Avropa çempionatının seçmə mərhələsi çərçivəsində Bolqarıstan yığması ilə oyuna çıxaracaq məşqçi müəyyənləşib.

Pressing.az xəbər verir ki, bu barədə AFFA-nın mətbuat xidməti məlumat yayıb.

U-21 millimizin çalışçdırıcısı Ayxan Abbasov əsas yığmamızı DÇ-2026-nın seçmə ərhələsinin 2-ci turunda Ukrayna ilə görüşə çıxaracaq.

Bu səbəbdən də U-21 komandamız Bolqarıstanla matçda Elnur Çodarovun rəhbərliyi altında oynayacaq. Sentyabrın 9-da “Liv Bona Dea Arena”da keçiriləcək görüş saat 18:00-da başlanacaq.