Azərbaycan yığmasının üzvləri Gürcüstanda toplanışa başlayıblar

Parapauerliftinq üzrə Azərbaycan yığma komandası Gürcüstanda beynəlxalq təlim-məşq toplanışına başlayıb.

Pressing.az xəbər verir ki, yığma üzvləri Bakuriani şəhərində hazırlıq prosesində iştirak edirlər. Mayın 6-dək davam edəcək toplanışa 6 idmançı qatılıb.

Hazırlıq prosesinə Pərvin Məmmədov, Rəsul Zəkiyev, Şamo Aslanov, Talib Zeynalov, Zəhra Dadaşova ilə Leyla Kərimova cəlb ediliblər.

Toplanış mayın 6-13-ü aralığında Tbilisidə keçiriləcək Dünya Kubokuna hazırlıq xarakteri daşıyır.